‘லியோ’ படத்தின் சிறப்பு காட்சிகளுக்கு தமிழ்நாடு அரசு அனுமதி – ரசிகர்கள் மகிழ்ச்சி!
நடிகர் விஜய் இயக்குநர் லோகேஷ் கனகராஜ் இயக்கத்தில் ‘லியோ’ படத்தில் நடித்துள்ளார். இப்படத்தில் த்ரிஷா, சஞ்சய் தத், அர்ஜூன், பிரியா ஆனந்த், மிஷ்கின், கவுதம் வாசுதேவ் மேனன் உட்பட பலர் நடித்துள்ளனர். இப் படத்தை செவன் ஸ்க்ரீன் ஸ்டூடியோ தயாரித்துள்ளது. வரும் அக்டோபர் 19-ம் தேதி திரையரங்குகளில் இப்படம் வெளியாக இருக்கிறது.
இந்நிலையில், ‘லியோ’ படத்தின் சிறப்பு காட்சிகளுக்கு தமிழ்நாடு அரசு அனுமதி அளித்துள்ளது.
லியோ படம் வெளியாகும் நாளில் கூடுதலாக 2 சிறப்பு காட்சிகளும், அடுத்த 5 நாட்களுக்கு கூடுதலாக ஒரு காட்சியும் திரையிட தயாரிப்பு நிறுவனம் அனுமதி கோரியிருந்தது. இதனையடுத்து, வரும் 19ம் தேதியிலிருந்து 24ம் தேதி வரை ஒரு நாளுக்கு 5 காட்சிகள் திரையிட தமிழக அரசு அனுமதி அளித்துள்ளது.
