என்னப்பா… அண்ணாமலை காமெடி பண்றாரு… திமுகவுக்கு போட்டி பாஜகவா? – நடிகர் போஸ் வெங்கட் டுவிட்!
“திமுக, பாஜக இடையேதான் போட்டியே” தான் போட்டி இருக்கும். நாங்கள் யாருடன் சண்டை போட வேண்டும் என்பதில் தெளிவாக இருக்கிறோம் என்று தமிழக பாஜக தலைவர் அண்ணாமலை தெரிவித்தார்.
நேற்று செய்தியாளர்களை சந்தித்த தமிழக பாஜக தலைவர் அண்ணாமலை பேசுகையில்,
பாஜக கூட்டணியிலிருந்து அதிமுக பிரிந்து சென்றதில் எங்களுக்கு வருத்தம் கிடையாது. 2024ம் ஆண்டு தேசிய ஜனநாயக கூட்டணியோடு பாஜக மிகப்பெரிய மாற்றத்தை முன்னெடுக்கும். அதற்கான அறிகுறிகள் தேர்தலுக்கு முன்பே தெரியும். நான் எப்போதும் ஒருவர் இருந்ததால் மகிழ்ச்சி அடைந்ததும் இல்லை. ஒருவர் சென்றுவிட்டதால் வருத்தமடைந்ததும் இல்லை என்றார்.
இந்நிலையில், நடிகரும், இயக்குநருமான போஸ் வெங்கட் தன் டுவிட்டர் பக்கத்தில் ஒரு பதிவு ஒன்றை வெளியிட்டுள்ளார்.
அந்த பதிவில், சூப்பர் ஸ்டார் திரு ரஜினிகாந்த் அவர்களை பார்த்து நான்தான் இனிமேல் உங்களுக்கு போட்டி என்று( போஸ் வெங்கட் ) சொன்னால் எவ்வளவு காமடியாக இருக்குமோ அவ்வளவு காமெடி அண்ணாமலை சொன்ன தி.மு.க விற்கு போட்டி பா.ஜ.க என்பது. என்று பதிவிட்டுள்ளது.
