“அட்ரா சக்கை..” – PS-2 ரெடியாகிடுச்சாம்!
மணிரத்னம் இயக்கிய ‘பொன்னியின் செல்வன்’ படம் இரண்டு பாகங்களாக தயாராகி முதல் பாகம் கடந்த வருடம் செப்டம்பர் 30-ந்தேதி உலகம் முழுவதும் 5 ஆயிரத்து 500-க்கும் மேற்பட்ட திரையரங்குகளில் தமிழ், தெலுங்கு, இந்தி, மலையாளம், கன்னடம் ஆகிய 5 மொழிகளில் வெளியாகி ரூ.500 கோடிக்கு மேல் வசூலித்து சாதனை நிகழ்த்தியது. இதில் விக்ரம், கார்த்தி, ஜெயம்ரவி, சரத்குமார், பார்த்திபன், பிரகாஷ்ராஜ், ஐஸ்வர்யா ராய், திரிஷா உள்ளிட்ட பலர் நடித்து இருந்தனர். பொன்னியின் செல்வன் 2-ம் பாகம் வருகிற ஏப்ரல் மாதம் 28-ந்தேதி வெளியாகும் என்று அறிவிக்கப்பட்டு புரொமோஷன் பணிகளில் படக்குழுவினர் தீவிரமாக ஈடுபட்டு வருகிறார்கள்.
இந்நிலையில், இப்படத்தின் புதிய அப்டேட் வெளியாகியுள்ளது. அதன்படி, ‘பொன்னியின் செல்வன் -2’ திரைப்படத்தின் டிரைலர் வருகிற 29-ஆம் தேதி வெளியாகவுள்ளதாகவும், இதற்கான ப்ரோமோஷன் பணிகள் ஏப்ரல் முதல் வாரத்தில் இருந்து துவங்கும் எனவும் தெரிவித்துள்ள படக்குழுவினர் போஸ்டர் ஒன்றையும் வெளியிட்டுள்ளனர்.
அந்த டிரைலரின் நீளமும் ஏற்கனவே, ‘பொன்னியின் செல்வன் – 1’ இல் இருந்தது போலவே 3.24 நிமிடங்கள் நீளம் கொண்டதாக இருக்கும் எனவும் தெரிவிக்கிறது சினிமா வட்டாரம்.
அட்ரா சக்கை..!
