நின்ற லாரி மீது இருசக்கர வாகனம் மோதி | பச்சையப்பன் கல்லூரி மாணவர்கள் இருவர் பலி | ஒருவர் படுகாயம் |
நின்ற லாரி மீது இருசக்கர வாகனம் மோதி பச்சையப்பன் கல்லூரி மாணவர்கள் இருவர் பலி | ஒருவர் படுகாயம் |
சென்னை வில்லிவாக்கம் பகுதியைச் சேர்ந்த பிரசாந்த் (20), இவரது நண்பர்கள் விஜய் (17), சதீஷ் (17), ஆகிய மூவரும் பச்சையப்பன் கல்லூரி மாணவர்கள் நேற்று நள்ளிரவு 1மணி அளவில் நண்பரின் நிகழ்ச்சிக்கு சென்று விட்டு இருசக்கர வாகனத்தில் வந்தபோது திருமங்கலம் பாடி மேம்பாலம் மீது வேன் ஒன்று பழுதாகி நின்று கொண்டிருந்தது. அப்போது அந்த வழியில் மோட்டார் சைக்கிளில் வேகமாக வந்து வேனின் மீது மோதியதில் சம்பவ இடத்திலேயே விஜய் என்பவர் பலியானார். அருகில் இருந்தவர்கள் திருமங்கலம் போக்குவரத்து போலீசாருக்கு தகவல் தெரிவித்தனர்…
சம்பவ இடத்திற்கு வந்த ஆய்வாளர் ஹரி மற்றும் உதவி ஆய்வாளர் கலைமணி ஆகியோர் விஜய்யின் உடலை மீட்டு பிரேத பரிசோதனைக்காக கீழ்ப்பாக்கம் அரசு மருத்துவமனைக்கு அனுப்பி வைத்தனர். மேலும் காயமடைந்த பச்சைப்பன் கல்லூரி மாணவர் பிரசாந்த் என்பவரை மருத்துவமனைக்கு அழைத்துச் செல்லும் வழியில் பரிதாபமாக இறந்தார். இதில் படுகாயமடைந்த சதீஷ் என்பவரை மருத்துவமனையில் சேர்த்து சிகிச்சை அளிக்கப்பட்டு வருகிறது. இந்த சம்பவம் தொடர்பாக வழக்குப்பதிவு செய்து திருமங்கலம் போக்குவரத்து புலனாய்வு போலீசார் விசாரணை மேற்கொண்டு வருகின்றனர்…
நிருபர் வே.சரவணன்
